Velferð hverra er hér að leiðarljósi ?

Ef maður skoðar sögu sjálfstæðisflokksins og hvað sá flokkur hefur gert í virkjana málum, þá skil ég ekki hvað Bjarni Ben er að fara. Ég man ekki betur en sjálfstæðismenn hafi gengið svo vöskulega fram í að virkja við Kárahnjúka að það var vaðið yfir rétt þeirra sem áttu eignarhlut í löndum kringum virkjunarsvæðið.

En í dag koma sjálfstæðismenn með þetta útspil, á tímum þar sem atvinnuleysi er mikið, langtíma atvinnuleysi alltaf að aukast, og sá sem skrifar þetta hefur verið án vinnu síðan nóv 2008. Og ég get ekki gert nema andvarpa þungt við að lesa þetta, því ég sé ekki að Bjarni Ben beri hér hagsmuni atvinnulausra fyrir brjósti.

Það væri samt léttara yfir mér ef það væri hægt að lifa af 130.000 kr sem eru útborgaðar atvinnuleysisbætur, eða það yrði gengið í það af festu að hækka bæturnar upp í upphæð sem hægt er að lifa af - og setti ég upp síðu til stuðnings því að svo verði ,hér er hún. 

http://www.petitions24.com/signatures/til_studnings_atvinnulausum/

 

Hætta stuðningi verði farið í virkjanir

Athugasemdir

[Ingibjörg Guðrún Magnúsdóttir, 16.4.2011 kl. 12:52]

Sæll Gunni ég var á þessum fundi og ég gat ekki betur heyrt en að Bjarni hafi miklar áhyggjur yfir öllu sem er að gerast og sérstaklega atvinnuleysinu ásamt fyrirtækjum og heimilum...

Varðandi að það hafi slitnað upp úr viðræðunum þá er það nú bara einu sinni svo að Sjávarútvegurinn er stór partur af atvinnu og útfluttningi hér á landi og auðvitað á að semja við alla úr því að það er verið að semja á annað borð og allir samningar eru lausir. það nær ekki nokkuri átt að skilja eitt útaf á meðan samið er við aðra vegna þess að allt hangir þetta jú saman á sömu spýtu...

[GunniS, 16.4.2011 kl. 13:01]

Inga já takk fyrir innlitið. fréttin sem ég blogga um er vegna virkjana og fræmkvæmda í neðri þjórsá - sem gætu skapað hundruði starfa. 

en hvað varðar þitt innlegg þá sé ég ekki að LÍÚ og ASÍ eigi nokkuð sameiginlegt, og hafandi það í huga að sjálfstæðismenn komu á einkavæðingu í sjávarútvegsmálum og gáfu sínum vinum og ættingjum milljarða tekjur, þá sýnist mér baráttan vera gegn núverandi stjórnvöldum sem vilja taka þessa einkavinavæðingu til baka, svo þjóðfélagið í heild geti fengið not af þeim milljörðum sem eru í hagnað af auðlind þjóðarinnar.