En hvað með tannheilsu fullorðina?

Ég get sagt með mig að mín tannheilsa er ekkert upp á svo marga fiska. en auðvitað vorkennir fólk meira börnunum, hvernig væri að stéttarfélögin fari að berjast fyrir launum sem eru það há að fólk geti borgað af íbúðarlánum og geti farið til tannlæknis.

Ég man eftir gamla grunnskólatannlæknakerfinu, þar var það þannig að þeir fengu borgað fyrir ef það var skemmd. eða það heyrði ég, og því miður komu upp dæmi þar sem krakkar voru hjá tannlækni, og tannlæknunum kom ekki saman um hvort það hafi verið hola þarna eða ekki, og spurningar vöknuðu um hvort væri verið að búa til holur í krökkum. 

langar að taka það fram að ég hef aðeins einu sinni farið til útlanda á æfinni, það var þegar ég var unglingur og fjölskyldan fluttist til noregs í leit að betra lífi. svo ekki er ég að eiða peningum i þannig rugl.

Sofna ekki án verkjalyfja

Athugasemdir

[Þór Sigurðsson, 11.5.2009 kl. 08:40]

Ég er sammála þér Gunni. Sömuleiðis er mín tannheilsa ekki upp á marga fiska, og sömuleiðis kem ég úr gamla grunnskólatannlæknakerfinu. Ég man eftir því í Fossvogsskóla að það var slípað og borað eins og ætti lífið að leysa...

En að titilspurningunni - hvaðmeð tannheilsu fullorðinna? Hversvegna er einblínt á tannheilsu barna einvörðungu? Það hefur sýnt sig aftur og aftur að slæm tannheilsa jafngildir slæmri persónulegri heilsu og heifur bein áhrif á andlega heilsu, líðan og lífsgæði. Persónulega hef ég efni á um þremur minniháttar tannlæknaheimsóknum á ári þessa dagana. Þar af leiðandi er ekki gert við neitt sem gæti skilað varanlegum árangri, heldur aðeins haldið í horfinu. Tannlæknirinn minn er farinn að örvænta að ég komi til með að halda einni einustu beyglu í munnholinu og TR er búið að gefa í skyn að fyrr detti allir dauðir niður þar innanstokks en að þeir reiði fram löngu þarfa aðstoð.

Aðeins í bananalýðveldinu Íslandi tíðkast það að heilsa skuli vera eitthvað sem þú þarft að vinna þér inn rétt til að hafa.

Ég segi - ókeypis tannvernd handa öllum. Það er hreint og klárt heilbrigðismál!

[Elín Sigríður Grétarsdóttir, 11.5.2009 kl. 08:51]

skólatannlæknir gerði við einar sex barnatennur í mér, sem losnuðu og viku fyrir fullorðinstönnum innan árs ... í dag fer ég og opna munninn og tannsi segir þetta er ljómandi fínt og það eru áttaþúsund krónur gjössovel - þetta er skelfilegt ástand sem hefur viðgengist of lengi